ახალი, მოდერნიზებული ბიბლიოთეკა უკვე ნუკრიანში. სახელმწიფო სერვისების განვითარების სააგენტოს, IREX-ის,საქართველოს საბიბლიოთეკო ასოციაციისა საქართველოს პარლამენტის ეროვნული ბიბლიოთეკის ერთობლივი პროექტი "საჯარო ბიბლიოთეკები ადგილობრივი განვითარებისთვის".


ხვალ სოფელ ნუკრიანში ახალი ტიპის საზოგადოებრივი ცენტრი გაიხსნება

სიღნაღის მუნიციპალიტეტის სოფელ ნუკრიანში, 5 მარტს, საქართველოს იუსტიციის მინისტრი თეა წულუკიანი სრულიად ახალი ტიპის საზოგადოებრივ ცენტრსა და ბიბლიოთეკას გახსნის. ღონისძიებას სახელმწიფო სერვისების განვითარების სააგენტოს ხელმძღვანელი პირები, კახეთის მაჟორიტარი დეპუტატები და ადგილობრივი თვითმმართველობის წევრები დაესწრებიან. სოფელ ნუკრიანის საზოგადოებრივი ცენტრი ბიბლიოთეკის ტრადიციულ ფუნქციებთან ერთად, მოსახლეობას საშუალებას მისცემს მიიღოს სხვადასხვა სახის სახელმწიფო თუ კერძო სექტორის სერვისები. აღსანიშნავია, რომ პროექტის ფარგლებში, ნუკრიანის საზოგადოებრივ ცენტრში დაინერგება სრულიად ახლებური, თანამედროვე ბიბლიოთეკის მოდელი. სერვისების განვითარების სააგენტოსთან და კერძო კომპანიებთან თანამშრომლობით, ბიბლიოთეკების ტერიტორიაზე არსებულ საზოგადოებრივ ცენტრს ექნება შესაძლებლობა ბიბლიოთეკის ტრადიციულ ფუნქციებთან ერთად, გასცეს სხვადასხვა სახის სახელმწიფო თუ კერძო სექტორის სერვისი. ხელმისაწვდომი გახადოს მობილური ოპერატორის და ბანკის სერვისებიც. ადგილობრივ მოსახლეობას საშუალება ექნება ისარგებლოს უფასო ინტერნეტით. აღსანიშნავია, რომ ანალოგიური ტიპის საზოგადოებრივი ცენტრი და ბიბლიოთეკა, 27 თებერვალს, ჩოხატაურის მუნიციპალიტეტის სოფელ ხიდისთავში გაიხსნა. პროექტი, სახელწოდებით „საჯარო ბიბლიოთეკები ადგილობრივი განვითარებისთვის“ ფარგლებში, დაფინანსებულია IREX-ის მიერ Beyond Access-ის პროგრამის ფარგლებში და სახელმწიფო სერვისების განვითარების სააგენტოს მიერ ხორციელდება, საქართველოს საბიბლიოთეკო ასოციაციასთან და ინფორმაციის თავისუფლების განვითარების ინსტიტუტთან თანამშრომლობით

ჩოხატაურის მუნიციპალიტეტის სოფელ ხიდისთავში, 27 თებერვალს, საქართველოს იუსტიციის მინისტრმა თეა წულუკიანმა ახალი ტიპის საზოგადოებრივი ცენტრი და ბიბლიოთეკა გახსნა. ხიდისთავის სასოფლო ბიბლიოთეკა განახლდა საპილოტე პროექტის - "საჯარო ბიბლიოთეკები ადგილობრივი განვითარებისთვის" ფარგლებში.
პროექტის პარტნიორები არიან: სახელმწიფო სერვისების განვითარების სააგენტო, საქართველოს საბიბლიოთეკო ასოციაცია და ინფორმაციის თავისუფლების განვითარების ინსტიტუტი. იმედი გვაქვს რომ აღნიშნული პროექტი გაგრძელდება და მთელი საქართველოს ბიბლიოთეკებს მოიცავს.


ჩოხატაურის რაიონის სოფელ ხიდისთავში თანამედროვე ტიპის ბიბლიოთეკა
ჩოხატაურის მუნიციპალიტეტის სოფელ ხიდისთავში, 27 თებერვალს, საქართველოს იუსტიციის მინისტრმა თეა წულუკიანმა ახალი ტიპის საზოგადოებრივი ცენტრი და ბიბლიოთეკა გახსნა. ხიდისთავის სასოფლო ბიბლიოთეკა განახლდა საპილოტე პროექტის - "საჯარო ბიბლიოთეკები ადგილობრივი განვითარებისთვის" ფარგლებში. პროექტის პარტნიორები არიან: სახელმწიფო სერვისების განვითარების სააგენტო, საქართველოს საბიბლიოთეკო ასოციაცია და ინფორმაციის თავისუფლების განვითარების ინსტიტუტი. იმედი გვაქვს რომ აღნიშნული პროექტი გაგრძელდება და მთელი საქართველოს ბიბლიოთეკებს მოიცავს.

"წიგნი ყველა სოფლის ბიბლიოთეკას"
2014 წლის 27-28 დეკემბერს საქართველოს საბიბლიოთეკო ასოციაციის ორგანიზებით გაიმართა სოფლის ბიბლიოთეკების ვაუჩერიზაციის აქცია. ორი დღის განმავლობაში, 10-დან - 18 სთ-მდე, გამომცემლობების მიერ წარმოდგენილი უახლესი ქართული გამოცემებიდან, სოფლის ყველა ბიბლიოთეკას საშუალება ჰქონდა თავად გაეკეთებინა არჩევანი და შეეძინა სასურველი ლიტერატურა, თითოეულ ბიბლიოთეკაზე გამოყოფილი 500 ლარიანი ვაუჩერის საშუალებით. საქართველოს საბიბლიოთეკო ასოციაცია დიდ მადლობას უხდის ბატონ პრეზიდენტს, ამ საჩუქრისთვის. ეს აქცია არის არამხოლოდ ძვირფასი საჩუქარი, თვითონ ის ფაქტი, რომ საქართველოს პრეზიდენტი მხარდაჭერას უცხადებს ბიბლიოთეკებს და არის ბიბლიოთეკების მეგობარი გამოიწვევს ბიბლიოთეკების შემდგომ განვითარებას და გაუმჯობესებას და მისცემს მეტ სტიმულს მუნიციპალიტეტებს, რომ მათ მეტად იზრუნონ სოფლის ბიბლიოთეკებზე, რაც პრაქტიკულად შეუძლებლად გვეჩვენებოდა ცოტა ხნის წინ.

ციფრული ფოტომატიანე (ეროვნული ბიბლიოთეკა და ჯეოსელი)
,, წითელი დროშით, მოღერილ ყელით, თეთრ ცხენზე მჯდომი, ნაბიჯით ნელით შემოდიოდა სიკვდილი ცელით! თოვდა… და თბილისს ებურა თალხი, დუმდა სიონი და დუმდა ხალხი! '' ამ ამბიდან ჯერ ასი წელიც არ გასულა. ჩვენ კი ხან გვინდა თვალი მოვუხუჭოთ, ფიქრი მოვატყუოთ. ეს ოფიცრები კი ისევ ასე გვიყურებენ - რუსეთის საოკუპაციო ჯარი თბილისში, 1921 წლის 25 თებერვალი ჩვენი პროექტი @[522440774527515:274:ციფრული ფოტომატიანე] http://www.photomatiane.ge/

პრეზიდენტის საჩუქარი სოფელ უჩხოს ბიბლიოთეკას :)

https://fbcdn-sphotos-c-a.akamaihd.net/hphotos-ak-xpt1/v/t1.0-9/p100x100/10981864_1538700343084596_5058421604685342945_n.jpg?oh=1e69d956b386ac2c7acdfe5eccde56e1&oe=55DC20BD&__gda__=1436309937_bf7351117986fbc7483911ae20c9179f

უჩხოს საჯარო სკოლის ბიბლიოთეკა

უჩხოს საჯარო ბიბლიოთეკის მკითხველები ერთი კვირა ველოდებოდით ახალი წიგნების შემოტანას. 2014 წლის 29 დეკემბერს ბიბლიოთეკის პატარა მკითხველებმა, ბიბლიოთეკაში ნაძვის ხესთან, თოვლის ბაბუასთან გასაგზავნი ბარათები დააწყვეს. თოვლის ბაბუას სთხოვდნენ სკოლის ბიბლიოთეკისთვის ეჩუქებინათ წიგნების სერია დისნეის ფერადი სამყარო, ქართული ხალხური ზღაპრები, ასევე დიდი ქართველებისა და მსოფლიო გამოჩენილი ადამიანების ბიოგრაფიები, რომლებიც მათ ასაკზე იქნებოდა მორგებული. მოძრავნახატებიანი, ხმოვანი და მაგნიტურ ფიგურებიანი წიგნები. ლექსიკონები, ცნობარები,ატლასები, შემეცნებითი ლიტერატურა. უფროსებს სურდათ ისტორიის ილუსტრირებული წიგნები და ქართველ და უცხოელ ავტორთა რჩეული ნაწარმოებები. ამ ოცნების ნაწილი აუსრულდათ, ამაში დიდი წვლილი მიუძღვის საქართველოს საბიბლიოთეკო ასოციაციის პრეზიდენტს ქალბატონ რუსუდან ასათიანს, რომელმაც ჩვენი სკოლის ბიბლიოთეკას გამოუყო პრეზიდენტის პროგრამით გათვალისწინებული 500 ლარიანი ვაუჩერი ,,წიგნი ყველა სოფელს“ და ჩვენ მოგვცა საშუალება აგვერჩია გამოსაწერად ჩვენთვის სასურველი ლიტერატურა(116 ცალი), რაშიც დაგვეხმარა სკოლის ბიბლიოთეკარი ეთერი აბულაძე, რომელიც იყო შუამავალი ჩვენსა და საბიბლიოთეკო ასოციაციის პრეზიდენტს შორის. დიდ მადლობას გიხდით ქალბატონო რუსუდან უჩხოს საჯარო სკოლის ბიბლიოთეკის მკითხველები, სკოლის დირექტორი ქალბატონი მერი თავართქილაძე, სკოლის ბიბლიოთეკარი ეთერი აბულაძე, პედაგოგიური კოლექტივი და სოფლის მოსახლეობა, ჩვენ თქვენ მომავალ თაობას მოგვეცით საშუალება, ისეთი წიგნები გვქონოდა, რომელიც არის შედგენილი თანამედროვე მეთოდიკის გათვალისწინებით, რაც ჩვენ სკოლაში საგნების უკეთ შესწავლაში დაგვეხმარება და ჩვენთვის საინტერესო კითხვებზე გაგვცემენ პასუხს. თქვენ ამ წიგნების სახით გვაჩუქეთ დიდი განძი ცოდნა, რომელსაც ვერავინ წაგვართვამს და არც არასოდეს დაგვეკარგება. უკეთესი საქმეები გეკეთებინოთ მომავალი თაობების განათლების საქმეში. დიდი მადლობა! გაიხარეთ! უჩხოს საჯარო სკოლის ბიბლიოთეკაში ჩამოყალიბებული სასკოლო კლუბ ,,განათლებული მომავალის“ პრეზიდენტი მარიკა სოლომონიძე.