16 სექტემბერს 17:00 საათზე საქართველოს პარლამენტის ეროვნული ბიბლიოთეკის საგამოფენო დარბაზში საქართველოს საბიბლიოთეკო ასოციაციის ჟურნალის „საქართველოს ბიბლიოთეკა“ პრეზენტაცია გაიმართება.
ჟურნალი ყოველკვარტალურია და განახლებული სახით საქართველოს პარლამენტის ეროვნული ბიბლიოთეკის მხარდაჭერით გამოიცემა. 
ჟურნალ „საქართველოს ბიბლიოთეკას“ თხუთმეტწლიანი ისტორია გააჩნია და დაარსების დღიდან ქვეყნის საჯარო ბიბლიოთეკების ერთადერთი პერიოდული გამოცემაა, რომელიც აქტიურად აშუქებს ყველა სიახლეს, პრობლემასა თუ გამოწვევას, რომელთა წინაშეც დგანან საქართველოს საჯარო ბიბლიოთეკების უმეტესობა. 
გამოცემა საჯარო ბიბლიოთეკებში უფასოდ ვრცელდება.