ინტეგრირებული საბიბლიოთეკო სისტემა OpenBiblio

ინტეგრირებული საბიბლიოთეკო სისტემა OpenBiblio (ბიბლიოთეკის ელექტრონული კატალოგის შესაქმნელი პროგრამა);

საქართველოს საბიბლიოთეკო ასოციაცია ახორციელებს პროექტს, რომლის მიზანია ბიბლიოთეკებში „კომპიუტერული პროგრამის – „ღია ბიბლიოთეკის“ დანერგვა და ბიბლიოთეკების თანამედროვე სტანდარტების შესაბამისად ფუნქციონირების ხელის შეწყობა.

საბიბლიოთეკო პროგრამა Openbiblio განკუთვნილია სასკოლო, საუნივერსიტეტო, საეკლესიო, ასოციაციების, ორგანიზაციების ბიბლიოთეკებისათვის ან კერძო კოლექციებისათვის. მასში შესაძლებელია 60000-მდე ბიბლიოგრაფიული ჩანაწერის გაკეთება და მართვა, რაც სავსებით საკმარისია სკოლებისა და უნივერსიტეტების ბიბლიოთეკებისათვის.
   Openbiblio არის ელექტრონული საბიბლიოთეკო კატალოგის შესაქმნელი მოსახერხებელი პროგრამა. იგი წარმოადგენს „ინტეგრირებულ საბიბლიოთეკო სისტემას“ (Integrated Library System) იმ გაგებით, რომ მისი საშუალებით ხდება მთელი საბიბლიოთეკო პროცესის ავტომატიზაცია: ლიტერატურის ნებისმიერი სახეობის (წიგნები, დისკები, პერიოდული გამოცემები, რუკები თუ სხვა) ბიბლიოგრაფიული დამუშავება – ელექტრონული კატალოგში შეტანა, მკითხველთა აღრიცხვა, მკითხველებზე ლიტერატურის გაცემის, დაჯავშნის და უკან დაბრუნების ვადების აღრიცხვა, ადმინისტრაცია და სტატისტიკური ცნობების დაანგარიშება (მაგალითად: „ყველაზე პოპულარული წიგნები“, „გაცემული ლიტერატურა“, „დავალიანების მქონე მკითხველები“ და სხვა).

ეს პროგრამა ერთის მხრივ საკმაოდ მარტივია (მომხმარებელს თუ ბიბლიოთეკის თანამშრომელს არ გაუჭირდება მისი გამოყენება), მეორე მხრივ კი გამართული და „ფუნქციონალურია“, ანუ მისი საშუალებით ბიბლიოთეკა მოაწესრიგებს თავის სამუშაოს. მისი დანერგვით მოხდება წიგნადი თუ სხვა სახის ფონდების სწრაფი კატალოგიზაცია, აბონემენტის მოდული გაუადვილებს ბიბლიოთეკის თანამშრომლებს ლიტერატურის მოძებნა-გაცემის პროცესებს. რაც თავის მხრივ დადებითად აისახება საბიბლიოთეკო სერვისის მოწესრიგებასა და პროდუქტიულობაზე.
    პროგრამა არ მოითხოვს რაიმე განსაკუთრებულ სერვერს. მისი დაინსტალირება შეიძლება ნებისმიერი სიმძლავრის კომპიუტერზე, ვინდოუს ან ლინუქს ოპერაციულ სისტემაში.
    საქართველოს საბიბლიოთეკო ასოციაცია 2–3 თვის განმავლობაში კონსულტაციებს გაუწევს პროექტში მონაწილე ორგანიზაციებს, რადგან ჩვენი გამოცდილებით, დამოუკიდებელი მუშაობის პროცესში წამოიჭრება სხვადასხვა კონკრეტული შეკითხვა, რაც ხელს უწყობს პროგრამის საბოლოო დაუფლებას.

მომხმარებლის სახელმძღვანელო გამოცემულია ბეჭდური სახით და ვრცელდება საბიბლიოთეკო ასოციაციის მიერ.

საქართველოში ელექტრონული საბიბლიოთეკო პროგრამა Openbiblio დაინსტალირებულია ორგანიზაციებში:

ა(ა)იპ გორის უნივერსიტეტი

აკადემიკოს ვეკუას თბილისის 42-ე საჯარო სკოლა

არნოლდ ჩიქობავას ენათმეცნიერების ინსტიტუტი

ახალი სკოლა

ბათუმის შოთა რუსთაველის სახელმწიფო უნივერსიტეტის ბიბლიოთეკა

ბრიტანულ-ქართული აკადემია : British-Georgian Academy

გრიგოლ რობაქიძის სახელობის უნივერსიტეტი

გურამ თავართქილაძის სასწავლო უნივერსიტეტის

გურჯაანის ბიბლიოთეკა

ევრაზიის დამოუკიდებელი სასწავლო უნივერსიტეტი

ევროპული სასწავლო უნივერსიტეტი

ზუგდიდის მუნიციპალიტეტის ცენტრალური ბიბლიოთეკა