ეროვნულ ბიბლიოთეკას უძველესი ხელნაწერების ციფრული ვერსიები გადაეცა

ავტორი: rusudan – შაბ, 19/04/2014 - 21:52

17 აპრილს, 12 სთ-ზე საქართველოს პარლამენტის ეროვნულ ბიბლიოთეკაში, დიასპორის საკითხებში საქართველოს სახელმწიფო მინისტრის აპარატმა საქართველოს კულტურისა და ძეგლთა დაცვის სამინისტროსა და პარლამენტის ეროვნულ ბიბლიოთეკას, უძველესი ქართული ხელნაწერების დიგიტალური ვერსიები გადასცა, რომელიც ბრიტანეთის ეროვნული ბიბლიოთეკიდან იქნა ჩამოტანილი.

ღონისძიებას დაესწრნენ საქართველოს კულტურისა და ძეგლთა დაცვის მინისტრი გურამ ოდიშარია, დიასპორის საკითხებში სახელმწიფო მინისტრი კონსტანტინე სურგულაძე და საქართელოს პარლამენტის ეროვნული ბიბლიოთეკის დირექტორი გიორგი კეკელიძე.

ამ ხელნაწერებს პირველად იხილავს ფართო საზოგადოება ვიდეო პრეზენტაციის სახით, რაც ქართველ მეცნიერებს სამეცნიერო კვლევების გაღრმავების საშუალებას მისცემს.

გადმოცემულ ხელნაწერებს შორის არის ქართულ-ებრაული პალიმფსესტი, რომელიც სავარაუდოდ ოქსფორდის ბოდლეს ბიბლიოთეკასა და კემბრიჯის ბიბლიოთეკებში დაცული ქართულ-ებრაული პალიმფსესტის ნაწილს უნდა წარმოადგენდეს. ასევე მნიშვნელოვანია ჯვრის მონასტრის აღმშენებლის პროხორეს დაკვეთით, იოანე შავის მიერ გადაწერილი მამათა დიდი წიგნი, რომელიც ჰაგიოგრაფიული თხზულებების ქართულ თარგმანებს შეიცავს, მათ შორის ანტონი დიდის, სვიმეონ სალოსისა და სხვათა ცხოვრებებს.

[საქართველოს პარლამენტის ეროვნულ ბიბლიოთეკაში]

rusudan-ს ბლოგი

კომენტარის გამოქვეყნება

თქვენი სახელი, გვარი: *

ელფოსტა: *

The content of this field is kept private and will not be shown publicly.

საიტი:

სათაური:

შენიშვნები: *

შეტანის ფორმატი

Filtered HTML

ვებ-გვერდებისა და ელ. ფოსტის მისამართები ავტომატურად გარდაიქმნება ბმულებად.
დაშვებული HTML თეგები: <a> <em> <strong> <cite> <code> <ul> <ol> <li> <dl> <dt> <dd> <img>
Lines and paragraphs break automatically.
Images can be added to this post.

Full HTML